उल्हासनगर दि ५ : भारत देशाचे जनगणना २०२७ संदर्भात, उप महानिबंधक (सी अँड टी), जनगणना कार्यन्वित संचालनालय, महाराष्ट्र, मुंबई यांनी दिलेल्या निर्देशावरुन तसेच उल्हासनगर महापालिका मा. आयुक्त श्रीम. मनिषा आव्हाळे भा.प्र.से. यांच्या आदेशान्वेय दिनांक ०५/०२/२०२६ रोजी सकाळी ११:०० वाजता उल्हासनगर महानगरपालिका, मुख्यालयमध्ये जनगणना २०२७ हाऊसहोल्ड ब्लॉक फॉरमेशन संदर्भात प्रशिक्षण आयोजित करण्यात आले.
सदर प्रशिक्षण. प्रविण भगत, सहाय्यक संचालक, जनगणना विभाग, महाराष्ट्र, मुंबई व अरुण सांळगावकर, संख्यिकी अन्वेषक ग्रेड-१, जनगणना विभाग, महाराष्ट्र, मुंबई यांनी संबंधीत महापालिका अधिकारी व कर्मचारी यांना प्रशिक्षण दिले.जनगणनेसाठी ३१ डिसेंबर २०२५ रोजी सीमारेखा “फ्रिझ” करण्यात आले असून त्या २०२७ च्या जनगणेसाठी अंतिम मानल्या जाणार आहेत. सदर जनगणना दिनांक १० फेब्रुवारी २०२६ पासुन सुरु होणार असून ही जनगणना पहिले घरगणना नंतर जनगणना अश्या दोन टप्प्यामध्ये होणार आहेत. तसेच जनगणना डिजीटल माध्यमातून करण्यात येणार आहे. तंत्रज्ञानाचा अधिकाधिक वापर करुन जनगणना प्रक्रिया अधिक सुलभ, पारदर्शक व अचूक होणार आहे. सदर प्रशिक्षणास अतिरिक्त आयुक्त डॉ. किशोर गवस, उप आयुक्त डॉ. दिपाली चौगले, श्रीम. स्नेहा करपे, सहा. आयुक्त श्री. गणेश शिंपी, श्रीम. सलोनी निवकर तसेच संबंधीत अधिकारी/कर्मचारी उपस्थित होते.
