उल्हासनगर दि ५ ( प्रमोद दळवी ): उल्हासनगरातील कॅम्प नंबर -४ परिसरातील विठ्ठलवाडी पोलीस स्टेशनच्या हद्दीतील श्रीराम चौक परिसरात असलेल्या एस बँकेच्या एटीएम मधून हेल्मेट धारी एका अज्ञात इसमाने बॅटऱ्या चोरी करून नेल्या होत्या. विठ्ठलवाडी पोलिसांनी या गुन्ह्याचा तपास करून त्या चोरट्याचा शोध घेऊन त्याला अटक करण्याची कामगिरी केली आहे
मिळालेल्या माहितीनुसार उल्हासनगर शहरातील कॅम्प नंबर -४ परिसरात श्रीराम चौक येथे एस बँकेचे एटीएम आहे. या एटीएम मध्ये वीजपुरवठा खंडित झाल्यास मशीन चालू ठेवण्यासाठी तीन बॅटऱ्या बसवण्यात आल्या होत्या. याशिवाय सुरक्षेच्या दृष्टीने सीसीटीव्ही कॅमेरेही बसवण्यात आले आहेत. दुपारी दीडशे सुमारास हेल्मेट घातलेल्या कोणीतरी अज्ञात चोरट्याने त्या एटीएम मध्ये प्रवेश करून तीन बॅटऱ्या चोरी करून नेल्या होत्या. एटीएम मधील सीसीटीव्ही फुटेज द्वारे हा प्रकार उघडकीस येतात. याप्रकरणी विठ्ठलवाडी पोलीस ठाण्यात आज्ञाविरुद्ध गुन्हा दाखल करण्यात आला होता.
विठ्ठलवाडी पोलीस ठाण्याचे वरिष्ठ पोलीस निरीक्षक अशोक कोळी, पोलीस निरीक्षक चंद्रहार गोडसे यांच्या मार्गदर्शनाखाली सुजित निश्चिते, हरिचंद्र घाणे, दीपक पाटील, सचिन पाटील, सुनील गावित, हनुमान सावंत या पोलिसांनी तपास करत अखेर या प्रकरणातील आरोपी अजय शर्मा याला अटक केली आहे. चोरीस गेलेल्या तीन बॅटऱ्यांची किंमत सुमारे वीस हजार रुपये असल्याचे सांगण्यात आले आहे. पुढील तपास विठ्ठलवाडी पोलीस करत आहेत.
