उल्हासनगर दि.२३ : उल्हासनगर मधील रुग्णांना वेळेवर रुग्णवाहिका मिळत नाही १०८ किंवा १०२ यांच्याकडून रुग्णवाहिका वेळेवर उपलब्ध न झाल्याने अनेकदा नागरिकांना मृत्युमुखी पडावे लागले आहे याची अनेक उदाहरणे आहेत. १०८ संदर्भात पाठपुरावा सुरूच आहे परंतु उल्हासनगर महानगरपालिका आरोग्य विभागाकडे देखील माजी नगरसेविका सविता तोरणे रगडे व समाजसेवक शिवाजी रगडे यांनी सिटीजन हेल्थकेअर फाउंडेशनच्या वतीने मागणी केली आहे.
उल्हासनगर महानगरपालिका आरोग्य विभागाने पाच साधारण रुग्णवाहिका व दोन कार्डियाक रुग्णवाहिका ज्यामध्ये ऑक्सिजन डॉक्टर सर्व सुविधा उपलब्ध असतील अशा उल्हासनगर मध्ये राहणाऱ्या नागरिकांना उपलब्ध करून द्याव्यात अशी मागणी माजी नगरसेविका सविता तोरणे रगडे व समाजसेवक शिवाजी रगडे यांनी सिटीजन हेल्थकेअर फाउंडेशनच्या वतीने केली आहे. प्रशासनाच्या वतीने देखील सकारात्मक प्रतिसाद लाभला आहे. लवकरच नविन रुग्णवाहिका मिळतील अशी अपेक्षा आहे याबरोबरच शिवाजी रगडे यांनी अशीही मागणी केली आहे की कोविड काळामध्ये उल्हासनगर महानगरपालिकेने वॉर रूम तयार करून रुग्णांना घरून घेऊन हॉस्पिटल पर्यंत पोहोचवण्याची व्यवस्था केली होती त्याच धर्तीवर वॉर रूम तयार करून त्यांचे नंबर प्रसिद्ध करून उल्हासनगर शहरातील ज्या नागरिकांना रुग्णवाहिकेची गरज लागेल तिथे रुग्णवाहिका पोहोचवण्याची व्यवस्था करावी अशी मागणी केली आहे.
