- दोन पॅनलमधील ५ कोटींहून अधिक रुपयांच्या विकास कामांचे भूमिपूजन
उल्हासनगर दि. ८ ( प्रमोद दळवी ): १४१ उल्हासनगर विधानसभेचे कार्यसम्राट आमदार कुमार आयलानी यांच्या प्रयत्नाने प्रभागातील विविध विकास कामे करण्यासाठी मूलभूत सुविधा अंतर्गत निधी मंजूर केला असून या विकास कामांचा शुक्रवारी भूमिपूजन सोहळा पार पडला. कुमार आयलानी यांच्या अथक प्रयत्नांमुळे शहरातील विविध विकास कामांना गती मिळत आहे. याच अनुषंगाने, आमदार कुमार आयलानी यांनी शुक्रवारी पॅनल क्रमांक ३ आणि पॅनल क्रमांक ११ मधील ५ कोटींहून अधिक रुपयांच्या विविध विकासकामांचे भूमिपूजन केले.
त्यावेळी पदपथ, गटार, काँक्रीटचे मार्ग, शेड, सामुदायिक सभागृह, सार्वजनिक शौचालये, सुशोभीकरण आणि सुरक्षा भिंती यांसारख्या अनेक विकासकामांचे भूमिपूजन करण्यात आले. आमदार कुमार आयलानी यांच्या अथक प्रयत्नांमुळे, सुमारे ५ कोटी रुपयांच्या मूलभूत सुविधा निधीतून ही सर्व कामे केली जात असून, परिसरातील नागरिकांना उत्तम सुविधा उपलब्ध होत आहेत.
या कार्यक्रमादरम्यान महायुतीची एकताही दिसून आली. भाजप आणि शिवसेनेचे अनेक अधिकारी आणि कार्यकर्ते मोठ्या संख्येने उपस्थित होते. याप्रसंगी आमदार कुमार आयलानी यांनी सांगितले की, येणाऱ्या काळात शहराच्या विविध भागांमध्ये आणखी विकास कामे सुरू केले जातील आणि त्याचे देखील भूमिपूजन होणार आहे. प्रत्येक नागरिकाला मूलभूत सुविधा मिळाव्यात आणि उल्हासनगर एक समृद्ध व विकसित शहर बनावे, यासाठी आपण आपले प्रयत्न सुरूच ठेवू, असे त्यांनी सांगितले. भाजप आणि शिवसेना सत्तेत असून सर्व नगरसेवक विकासाच्या भावनेने काम करत आहेत ज्यामुळे शहराच्या विकासाला एक नवी ओळख मिळेल
या कार्यक्रमाला जिल्हाध्यक्ष राजेश वधारीया, उपमहापौर अमर लुंड, रवी जग्यासी, राजू जग्यासी, लाल पंजाबी, मनोहर खेमचंदानी, प्रीती विनोद माखिजा, कविता लाल पंजाबी, संजय घुगे, बिंदर भाई, प्रवीण क्रिसनानी, हरेश भाटिया, भुल्लर महाराज, साबिर शेख, प्रमोद पांडे, शोभाताई जाधव, मंडल अध्यक्ष अरविंद मिश्रा व इतर मान्यवर उपस्थित होते.
