उल्हासनगर दि.१५ : आयु.अमोल रांजणे प्रणित सृष्टी फाउंडेशन व आयु. प्रसाद चांदोरकर यांच्या विद्यमाने नुकताच उल्हासनगर कॅम्प नंबर ४ येथील पटेल आर. मार्ट, ग्रीन लीफ हॉटेल, मॅक्स फिटनेस क्लब, डॉमिनोज व ॲक्सिस बँके समोर व कॅम्प नंबर ५ येथील कैलास कॉलनी येथील डिव्हायडर येथे आयोजित वृक्षारोपणाचा कार्यक्रम यशस्वीरित्या पार पडला.
कार्यक्रमात सामाजिक व शैक्षणिक क्षेत्रातील मान्यवर उपस्थित होते. सदर कार्यक्रमात आयु. ब्राह्मणे गुरुजी, आयु. अक्षय टिळक, आयु. सुनील शिंगारे, बी. आर. आंबेडकर फोर्सचे आयु.संदेश सकपाळ, आयु. मच्छिंद्र मोरे, आयु. सुरेंद्र गायकवाड, आयु.अनिल बंगाळे, आयु. कमलाकर सूर्यवंशी, आयु.जितेंद्र गायकवाड, इंदर, आयु. कपिल कांबळे सर, आयु. प्रग्यान प्रसाद चांदोरकर, ज्ञानदीप विद्यालयाचे आयु. बंधुसेन इंगळे सर , आयु. सुहास सर, अँड. किरण शांताराम निकम, आयु. शशिकांत आंबुसकर, आयु. चंदू कांबळे तसेच सर्टिफाय मैदान येथील कुमार व किलबिल मुलांचा गट वृक्षारोपणाच्या कार्यक्रमास उत्साहात हजर होते.
वृक्षारोपणाची सुरुवात लालचक्की येथे सुरू होऊन पुढे वीनस चौक, नेताजी, शिव मंदिर रोड, करत सर्टिफाय मैदान पूर्ण झाली. पिंपळ वृक्ष, कडुलिंब, वड, कनेरी अशी ऑक्सिजनचा पुरवठा करणारी व इतर शोभेची झाडे आज शहरातल्या विविध भागात लावण्यात आली.
तक्षशिला विद्यालय येथील बुद्ध विहारात आदरणीय भंते यांचे आशीर्वाद घेत जवळील प्रांगणात ‘बोधी’ वृक्षाची लागवड करत असतानाच आठवडाभर सुट्टीवर असणाऱ्या ‘वरूण’ राजा ने पुनरागमन केले व आजचा वृक्षारोपणाचा कार्यक्रम यशस्वी झाला यावर निसर्गाने शिक्कामोर्तब केले.
