उल्हासनगर दि. ६ ( प्रमोद दळवी ) : महानगरपालिकेच्या प्रभाग समिती – ३ व मालमत्ता विभागाने शहरातील उल्हासनगर स्टेशन पूर्व येथील मद्रासी पाड, आणि पश्चिम परिसरातील सुरू असलेल्या बेकादेशीर पार्किंगवर कारवाई करत एका पार्किंगच्या कार्यालयावर सील करण्याची देखील कारवाई केली आहे
उल्हासनगर शहरातील कॅम्प नंबर – ३ पश्चिम परिसरात, तसेच उल्हास स्टेशन पूर्व मद्रासी पाडा येथे अवैद्यरित्या लावण्यात आलेल्या पार्किंगमुळे त्या परिसरात वाहतुकीची कोंडी होत असल्याची तक्रार वारंवार उल्हासनगर महानगरपालिकेला केली जात होती. त्या अनुषंगाने मालमत्ता विभागाचे उपायुक्त यांच्या पत्रानुसार व पालिका आयुक्त मनीषा आव्हाळे यांच्या निर्देशनानुसार शहरातील उल्हास स्टेशन पूर्व येथील मद्रासी पाडा आणि पश्चिम येथील अवैद्यरित्या सुरू असलेल्या पार्किंगच्या ठिकाणी मालमत्ता व्यवस्थापक छाया डांगळे, व प्रभाग समिती – ३ चे सहाय्यक आयुक्त सलोनी निवकर यांनी आरटीओ व पोलीस विभागाचे अधिकारी कर्मचारी यांच्या मदतीने त्या ठिकाणी संयुक्तरित्या कारवाई केली. त्यावेळी मद्रासी पाडा येथील रस्त्यावर उभे असणाऱ्या वाहनांवर पालिकेने जवळपास ४० हजार रुपयाची दंडात्मक कारवाई केली आहे. याशिवाय आरटीओने देखील त्या वाहनांवर दंडात्मक कारवाई केली आहे.
पालिकेने ही कारवाई करून त्या परिसरातील रहदारीचा रस्ता वाहतुकीसाठी नागरिकांकरता मोकळा केला आहे. उल्हासनगरातील कॅम्प नंबर -३ पश्चिम परिसरात( स्मार्ट पार्किंग)च्या ठिकाणी देखील सुरू असलेल्याया अवैद्यरित्या पार्किंग वर कारवाई करत तेथील पार्किंगचे कार्यालय देखील सील करण्याची कारवाई केली आहे. यापुढे देखील अशीच कारवाई शहरात सुरू राहणार असल्याची माहिती उल्हासनगर महानगरपालिकेचे मालमत्ता व्यवस्थापक छाया डांगळे यांनी दिली.
