उल्हासनगर दि.३ ( प्रमोद दळवी ) : अंबरनाथ परिसरातील प्रभाग क्रमांक २८ मधील जुने अंबरनाथ गाव येथील अनेक वर्षांच्या प्रलंबित असलेल्या रस्त्याचा भूमिपूजन सोहळा विविध मान्यवरांच्या हस्ते संपन्न झाले.
प्रभाग क्रमांक २८ मधील ओम साई टावर सोसायटी ते धर्माजी पॅलेस सोसायटी मार्ग बहुप्रलंबित रस्त्याचे काँक्रिटीकरण करण्याच्या कामाचे भूमिपूजन भाजप नगरसेवक अभिजित करंजुळे पाटील आणि शिवसेना उपशहर प्रमुखपरशुराम पाटील यांच्या हस्ते करण्यात आले. मागील दहा वर्षापासून येथील नागरिकांना रस्त्याची समस्या भेडसावत होती. भाजप नगरसेविका पूनम पाटील यांच्या सततच्या पाठपुराव्याने अखेर रस्ता मंजूर करून आज प्रत्यक्ष कामाला सुरुवात झाली. त्यामुळे येथील नागरिकांनी नगरसेविका पूनम पाटील आणि समाजसेवक अजय पाटील यांचे विशेष आभार मानले आहेत. दरम्यान पालेगाव आणि जुने अंबरनाथ गावातील सर्व समस्या लवकरच मार्गी लागण्याचे आश्वासन नगरसेविका पूनम पाटील यांनी नागरिकांना दिले. अंबरनाथ पालेगाव येथील बऱ्याच वर्षापासून हा रस्ता रखडलेला होता. नगरपालिकेमध्ये मी सतत पाठपुरावा करून या रस्त्याचं काम आज मार्गे लावलेला आहे. या रस्त्याच्या उद्घाटनासाठी भाजप नगरसेवक अभिजित करंजुळे पाटील आणि शिवसेना उपशहर प्रमुखपरशुराम पाटील यांच्यासह परिसरातील नागरिक मोठ्या संख्येने उपस्थित होते. आज या चांगल्या कामाची आम्ही सुरुवात केलेली आहे. यापुढेही असे अनेक कामे आम्ही मार्गी लावू आणि लोकांची जी काही कामे असतील योजना असतील ते मार्गी लावू असे नगरसेविका पूनम पाटील म्हणाल्या
