मुंबई दि २ ( प्रमोद दळवी ) : लघुपट निर्माते, दिग्दर्शक आणि तंत्रज्ञांना हक्काचे व्यासपीठ मिळवून देणाऱ्या ‘आर्यारवी एंटरटेनमेंट’ आयोजित चौथ्या राष्ट्रीय आणि आंतरराष्ट्रीय लघुपट महोत्सवाचा पारितोषिक वितरण सोहळा परेल येथील शिरोडकर हायस्कूलमध्ये आयोजित करण्यात आला होता. त्यावेळी जीवनगौरव, रंगकर्मी, कलाभूषण आणि समाजभूषण पुरस्कार देऊन विविध मान्यवरांना सन्मानित करण्यात आले. त्यात अनेक मराठी मालिकांत आणि मराठी चित्रपटात तसेच हिंदी चित्रपट मध्ये काम करणारे सिने अभिनेते एम.नटराज यांना कलाभूषण पुरस्कार देऊन सन्मानित करण्यात आले.
आर्यरवी एंटरटेनमेंट प्रस्तुत राष्ट्रीय आणि आंतरराष्ट्रीय लघुपट महोत्सवाचा पारितोषिक वितरण सोहळा या कार्यक्रमाचे संयोजक महेश्वर भिकाजी तेटांबे आणि मान्यवर यांचे हस्ते हा कलाभूषण पुरस्कार देण्यात आला. एम.नटराज यांना महेश्वर भिकाजी तेटांबे यांचे मनापासून आभार प्रकट केले.
