नाशिक दि २३ : शालेय विद्यार्थ्यांनी नवीन बसेसच्या सुविधांचा प्राधान्याने उपयोग करावा, असे प्रतिपादन मंत्री छगन भुजबळ यांनी केले. येवला शहरातील येवला बस डेपोस प्राप्त पहिल्या टप्प्यातील ५ नवीन बसेसच्या लोकार्पण प्रसंगी ते बोलत होते. यावेळी आगर व्यवस्थापक प्रवीण हिरे यांच्यासह अन्य अधिकारी, कर्मचारी उपस्थित होते
मंत्री भुजबळ म्हणाले की, नागरिक व शालेय विद्यार्थी यांना प्रवासासाठी बस अतिशय महत्त्वाची यंत्रणा आहे. डेपोला पहिल्या टप्प्यात पाच बसेस प्राप्त झाल्या असून पुढील महिन्यात दुसऱ्या टप्प्यात अजून पाच बस उपलब्ध होणार आहेत. सर्व बसेसचे योग्य नियोजन करून प्रवाशांना चांगल्या सुविधा उपलब्ध करून द्याव्यात, अशा सूचना यावेळी त्यांनी संबंधित अधिकाऱ्यांनी दिल्या
