- दिशा स्किल ट्रेनिंग सर्व्हिसेस आणि सिताई बहुउद्देशीय संस्था यांच्या संयुक्त विद्यमाने राबवण्यात येणारा हा एक अनोखा प्रशिक्षण कार्यक्रम ११ जूनपासून सुरू होणार आहे .
उल्हासनगर दि ८ ( प्रमोद दळवी ) : शिक्षण आणि रोजगार क्षेत्रात महिलांना सक्षम करण्याच्या दिशेने एक महत्त्वपूर्ण पाऊल म्हणून, दिशा स्किल ट्रेनिंग सर्व्हिसेस (सुपरबॉन्ड ॲडेसिव्हज प्रा. लि. चा सीएसआर उपक्रम) आणि सिताई बहुउद्देशीय संस्था यांच्या वतीने मोफत ईसीसीई (बाल संगोपन आणि शिक्षण) प्रशिक्षण कार्यक्रम आयोजित करत आहेत.
हे प्रशिक्षण विशेषतः अशा तरुण मुली आणि महिलांसाठी फायदेशीर ठरेल, ज्यांना शिक्षण क्षेत्रात करिअर करायचे आहे आणि पूर्व-प्राथमिक शाळा, नर्सरी, पाळणाघरे किंवा बालशिक्षण संस्थांमध्ये नोकरी मिळवायची आहे.
प्रशिक्षणाची प्रमुख वैशिष्ट्ये:- १) पूर्णपणे मोफत प्रशिक्षण, २) मान्यताप्राप्त प्रमाणपत्र,३) इंटर्नशिप आणि नोकरीसाठी सहाय्य,४) व्यावहारिक आणि आधुनिक शिक्षण पद्धतींवर आधारित प्रशिक्षण,५) बालविकास, वर्तन व्यवस्थापन आणि सर्जनशील शिक्षण तंत्रांचे ज्ञान,६) महिलांना आत्मनिर्भर बनवण्याच्या दिशेने एक महत्त्वाचा उपक्रम
ईसीसीई म्हणजे काय आणि ते महत्त्वाचे का आहे?
ईसीसीई (बाल्यावस्था संगोपन आणि शिक्षण) हा जन्मापासून ते ८ वर्षांपर्यंतच्या मुलांच्या सर्वांगीण विकासासाठी एक महत्त्वाचा प्रशिक्षण कार्यक्रम आहे. मुलांचा मानसिक, शारीरिक, सामाजिक आणि भावनिक विकास समजून घेण्यासाठी आणि त्यांना उत्तम शिक्षण देण्यासाठी या कार्यक्रमात आधुनिक पद्धतींचे प्रशिक्षण दिले जाते. तज्ञांच्या मते, बालपणीचे शिक्षण मुलाच्या भविष्यासाठी एक मजबूत पाया घालते. म्हणूनच प्रशिक्षित बालशिक्षण शिक्षकांची मागणी सातत्याने वाढत आहे.
पात्रता आणि पूर्वशर्ती :- शैक्षणिक पात्रता: किमान १२वी उत्तीर्ण, वयोमर्यादा: १८ ते ३५ वर्षे, शिधापत्रिका: केशरी, पिवळा किंवा पांढरी शिधापत्रिकाधारक अर्ज करू शकतात.
प्रशिक्षण कार्यक्रम माहिती : प्रारंभ दिनांक: ११ जून, २०२६ (गुरुवार), वेळ: दुपारी ३:०० ते सायंकाळी ५:००. जागा मर्यादित आहेत, लवकर नोंदणी करणे आवश्यक आहे.
नोंदणीसाठी संपर्क करा :- इच्छुक उमेदवार अधिक माहितीसाठी आणि नावनोंदणीसाठी ८८५६०९७६७८ या क्रमांकांवर कॉल किंवा व्हॉट्सॲप करू शकतात: तुमच्या कुटुंबातील, मित्रमैत्रिणींमधील किंवा परिसरातील कोणत्याही तरुण महिला किंवा मुली रोजगार-केंद्रित प्रशिक्षणाच्या शोधात असतील, तर ही संधी त्यांच्यासाठी फायदेशीर ठरू शकते. जागा मर्यादित असल्यामुळे, इच्छुक उमेदवारांनी शक्य तितक्या लवकर नोंदणी करावी असे असे आवाहन नगरसेविका मीना सोंडे यांनी केले आहे
