उल्हासनगर दि. २७ ( प्रमोद दळवी ) : २७ फेब्रुवारी २०२६ रोजी महाराष्ट्र विधिमंडळाने मराठी भाषा गौरव दिनानिमित्त “जावे विनोदाच्या गाव” हा विशेष कार्यक्रम आयोजित केला होता.
मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, राम शिंदे (अध्यक्ष, विधानपरिषद), राहुल नार्वेकर (अध्यक्ष, विधानसभा), चंद्रकांत पाटील (मंत्री) आणि इतर अनेक मान्यवर या कार्यक्रमात उपस्थित होते. तसेच, उल्हासनगर विधानसभा मतदारसंघाचे आमदार कुमार आयलानी यांनीही कार्यक्रमात सहभाग घेतला.
कार्यक्रमादरम्यान, मराठी भाषेचा प्रचार, जतन आणि प्रसार यावर प्रकाश टाकण्यात आला. विविध सांस्कृतिक सादरीकरणांद्वारे मराठी भाषेची समृद्ध परंपरा आणि गौरवशाली वारसा अधोरेखित करण्यात आला. याप्रसंगी उपस्थित मान्यवरांनी मराठी भाषेला आपली सांस्कृतिक ओळख म्हणून वर्णन केले आणि तिच्या जतन आणि संवर्धनासाठी सामूहिक प्रयत्नांची गरज यावर भर दिला.
