नाशिक दि २६( संदीप गायकवाड ) : नाशिक महानगरपालिका आता ॲक्शन मोडवर आले असून रस्त्यावरील अतिक्रमण करणाऱ्यांवर कारवाई करण्यास सुरुवात केली आहे. सोमवारी नाशिक महानगरपालिकेच्या अतिक्रमण विभागाने नाशिक मधील इंदिरानगर परिसरातील जुनी पोलीस चौकी येथील श्रीराम चौकात बेकादेशीरपणे थाटलेल्या तीन दुकानांवर जेसीबीच्या साह्याने तोडक कारवाई केली.
श्रीराम चौकात एक चहाची टपरी ,एक पान टपरी, व एक भंगारचे दुकान त्या ठिकाणी बेकायदेशीरपणे टाकण्यात आले होते. श्रीराम चौकात तीन दुकानदारांनी अतिक्रमण केल्याची माहिती महानगरपालिकेला मिळतात. पालिकेच्या अधिकाऱ्यांसह अतिक्रमण विभागाचे अधिकारी, कर्मचारी यांनी पोलीस बंदोबस्तात त्या ठिकाणी जाऊन जेसीबीच्या साह्याने ते तिन्ही दुकाने भुईसपाट केले. आता रस्त्यावरील अतिक्रमण करणाऱ्यांवर नाशिक महानगरपालिकेने कारवाई करण्यास सुरुवात केल्याने अनधिकृतपणे दुकान थाटणाऱ्यांचे चांगले धाबे दणाणले आहेत.
