मुंबई दि ७ :- भारत सरकार रक्षा मंत्रालय व ग्रामविकास मंत्रालय विभाग यांच्या विशेष सहयोगाने महाराष्ट्र राज्यातील डॉ.व्ही.व्ही पोपेरे यांच्या उल्लेखनीय समाजकार्याचे देश पातळीवर दखल घेऊन यांना देश रत्न पुरस्कार दिल्ली येथे प्रदान करण्यात आला.
डॉ.व्ही.व्ही.पोपेरे हे महाराष्ट्रा राज्यामध्ये गेली २६ वर्षापासून शहरी अथवा ग्रामीण भागामध्ये समाजसेवेचे कार्य प्रामाणिकपणे करत आहेत समाज उपयोगी विविध उपक्रम राबवून नवतरुण तरुणींना विविध रोजगार भिमुख कार्यक्रम प्रभाविपणे राबवत आहेत. तसेच महिलांकरिता मोफत ब्युटी पार्लर कोर्स व मेणबत्ती प्रशिक्षण देणे, अगरबत्ती प्रशिक्षण देणे, व संगणक प्रशिक्षण देणे, तसेच ग्रामीण भागामध्ये एसटी महामंडळाच्या बस सेवा सुरू करणे,ग्रामीण भागामध्ये शिक्षणाबाबत महत्त्व पटवून देणे, व महिलांन करीता जनजागृती अभियान राबवणे, व विविध शासकीय योजनांची माहिती देणे, दुर्लक्षित समाजाला शासनाच्या मुख्य प्रवाहात आणणे, अशाप्रकारे समाज उपयोगी व समाजाच्या हिताचे विविध उपक्रम डॉ. पोपेरे हे स्वर्गीय रुक्मिणीबाई पोपेरे चॅरिटेबल ट्रस्ट बदलापूर ठाणे यांच्या वतीने महाराष्ट्र राज्यात राबवत आहेत. इत्यादी उल्लेखनीय कार्याचे देश पातळीवर दखल घेऊन भारतीय वेल्फेअर असोसिएशन नवी दिल्ली भारत यांच्या वतीने व भारत सरकार यांच्या प्रमुख सहयोगाने डॉ. पोपेरे यांना देश रत्न पुरस्कार प्रदान करण्यात आला.
त्या कार्यक्रमाचे प्रमुख पाहुणे मा.ना. अर्जुन मेघवाल कायदामंत्री भारत सरकार नवी दिल्ली, मा. ना. गजेंद्र सिंग शेखावत सांस्कृतिक कार्यमंत्री भारत सरकार नवी दिल्ली, मा.ना. रघुराज सिंग, कायदामंत्री उत्तर प्रदेश राज्य, मा.यशा मुदगल मॅडम (प्रधान सचिव) जम्मू काश्मीर सरकार मा.मुस्ताक खान हिंदी चित्रपट अभिनेता व मा.राहुल बुचर साहेब हिंदी चित्रपट अभिनेता यांच्या प्रमुख उपस्थितीमध्ये डॉ.व्ही व्ही.पोपेरे (महाराष्ट्र शासन आदिवासी सेवक) यांना देश रत्न पुरस्कार दिल्ली येथे प्रदान करण्यात आला. या कार्यक्रमाकरिता देशातील प्रमुख मान्यवर उपस्थित होते व कार्यक्रम मोठ्या उत्साहात संपन्न झाला
