उल्हासनगर दि. १४ ( प्रमोद दळवी ) : उल्हासनगर शहरातील कॅम्प नंबर -४ परिसरातील सुभाष टेकडी येथे दरवर्षीप्रमाणे यावर्षी देखील शहीद मारोतीराव जाधव रिक्षा चालक – मालक युनियन तर्फे डॉ. बाबासाहेब आंबेडकर यांच्या १३५ व्या जयंतीनिमित्त भीम अनुयायी यांना भोजनदान व सरबत वाटपाचा कार्यक्रम आयोजित करण्यात आला होता.
हा कार्यक्रम सुभाष टेकडीतील डॉ. बाबासाहेब आंबेडकर चौकात आयोजित करण्यात आला होता. जवळपास हजारहून अधिक भीम अनुयायी यांनी भोजनदान व सरबत वाटप या कार्यक्रमाचा लाभ घेतला. या कार्यक्रमाच्या ठिकाणी नवनिर्वाचित नगरसेवक सुरज सोनकांबळे, शेखर यादव यांनी उपस्थिती दर्शवली त्यांचा शहीद मारोतीराव जाधव रिक्षा चालक- मालक युनियनच्या वतीने सत्कार करण्यात आला.
