उल्हासनगर दि.२९ : उल्हासनगर महानगरपालिकेच्या आरोग्य सभापती सविता तोरणे-रगडे यांच्या माध्यमातून, शहराच्या महापौर अश्विनी कमलेश निकम यांच्या प्रमुख उपस्थितीत तसेच माजी आमदार पप्पू कलानी यांच्या मार्गदर्शनाखाली आरोग्य विभागाची महत्त्वपूर्ण बैठक आयोजित करण्यात आली.
या बैठकीत पावसाळ्यापूर्वी नालेसफाई तसेच शहरातील एकूण स्वच्छतेबाबत विविध महत्त्वपूर्ण मुद्द्यांवर सविस्तर चर्चा करण्यात आली. नागरिकांच्या आरोग्याच्या दृष्टीने स्वच्छता राखणे अत्यंत गरजेचे असून, नालेसफाई व सखल भागातील डीप क्लिनिंगला प्राधान्य देण्याचे निर्देश यावेळी देण्यात आले.लवकरच नालेसफाई व डीप क्लिनिंग मोहिमेला सुरुवात करण्यात येणार असल्याची माहिती यावेळी देण्यात आली. तसेच संबंधित विभागांना कामे वेळेत व प्रभावीपणे पूर्ण करण्याच्या सूचना देण्यात आल्या. त्याच अनुषंगाने सद्यस्थितीचा आढावा घेण्यात आला.
या बैठकीस ज्येष्ठ नगरसेवक जमनू पुरुषवानी, व्यापारी नेते सुमित चक्रवर्ती, नगरसेवक विक्की लबाना, मोनू सिद्दीकी, तसेच आरोग्य विभागाचे उपआयुक्त मनीष हिवरे, मुख्य स्वच्छता निरीक्षक एकनाथ पवार, विनोद केणे, सहाय्यक उपआयुक्त सोलोनी निमकर आणि सर्व स्वच्छता निरीक्षक उपस्थित होते.
