मुरबाड दि.५ (सतिशचंद्र घरत) : मुरबाड तालुक्यातील मुरबाड लगत असलेल्या एम. आय. डी.सी मध्ये परप्रांतीय कामगारांची भरती करण्यात येत असुन ठेकेदाराच्या माध्यमातून जवळपास बारा बारा तास काम करून घेतलें जाते त्या मुळे तालुक्यातील स्थानिक तरुण पदवीधर तसेच इंजिनियर असुन सुद्धा रोजगार पासुन वंचीत रहात आहेत. या बेरोजगारी समस्येवर उपाय काढणसाठी उद्धव बाळासाहेब ठाकरे पक्षाच्या मार्गदर्शनाखाली फिव्हर स्टॉपींग प्रायव्हेट लिमिटेड कंपनी पडघा यांच्या माध्यमातून रोजगार मेळाव्याचे आयोजन करण्यात आले होते. संबंधित मेळाव्याला तरुणांचा उस्फुर्त प्रतिसाद मिळाला वैशिष्ट्य म्हणजे शेकडो तरूणांना रोजगाराची संधी उपलब्ध झाली असुन चांगल्या पगारासोबत पि. एफ. मिळणार आहे. तसेच कंपनी मध्ये कामांवर जाण्यासाठी देहरी, धसई,किन्हवली,पडघा आशी बस व्यवस्था करण्यात येणार आहे. या मेळाव्याला मार्गदर्शन करताना उद्धव बाळासाहेब ठाकरे शिवसेना पक्षाचे संपर्क प्रमुख साईनाथ तारे मार्गदर्शन करताना म्हणाले की मुरबाड तालुक्यात विविध ठिकाणी बेरोजगार तरुणांसाठी मेळावे आयोजित करुन रोजगाराची संधी उपलब्ध करून दिली जाईल. यावेळी जिल्हा प्रमुख अल्पेश भोईर,उपजिल्हा प्रमुख आप्पा घुडे, महीला संघटक माजी जिल्हा परिषद सदस्या रेखा कंटे, एच आर रवींद्र डोहळे यांनी मार्गदर्शन केले तर मेळाव्याचे आयोजन शिवसेना तालुकाप्रमुख संतोष विशे यांनी केल्याने अनेक तरुणांना रोजगाराची संधी उपलब्ध झाली आहे
