नाशिक दि १४ (प्रमोद दळवी ) : आर.एस.पी फिल्म प्रोडक्शन प्रस्तुत खळबळ या मराठी वेब सिरीज मध्ये आजवर अनेक विषयांवर निर्मात्या रेखाताई मंजुळकर यांनी अनेक एपिसोड प्रसारित केले आहेत. प्रत्येक एपिसोड मधून समाजाला एक संदेश देण्याचा प्रयत्न या एपिसोडच्या माध्यमातून केला जातो. नुकताच नाशिक येथे झालेल्या शूटिंगचा एका एपिसोडचा भाग खळबळ या मराठी वेब सिरीज वर प्रसारित करण्यात आला आहे.’ या शॉर्ट फिल्मचे नाव “ नाद” असे आहे.
मनुष्याला नाद कुठलाही असो पण हा नाद त्याच्यासाठी घातकच. त्यात जुगाराचा नाद, दारूचा नाद, हा भयंकर स्वरूपाचा नाद एखाद्याला लागला तर त्याच्या संसाराची राख रांगोळी झाली समजा. इतकेच नव्हे तर या नादामुळे कुटुंबात नेहमी भांडण तंटा तो होतच असते. पण काही वेळा हा नाद इतका टोकाला जातो की चांगले संसार देखील उध्वस्त होतात. या नादापासून जितके लांब राहता येईल तितकेच राहिलेलं बरं हा संदेश देण्यासाठी खळबळीच्या निर्मात्या रेखाताई मंजुळकर यांनी नुकताच यूट्यूब चैनल वरील खळबळ या मराठी वेब सिरीज वर शॉर्ट फिल्म प्रसारित केली आहे.
खळबळ एपिसोडच्या निर्मात्या व दिग्दर्शक रेखाताई मंजुळकर आहेत. लेखिका अशा भोईर यांनी या एपिसोडचे लिखाण केले आहे. तर पी.ओ.पी व एडिटिंग विशाल भालेराव यांनी उत्कृष्टरित्या करून ही शॉर्ट फिल्म तयार केली आहे. या एपिसोड मध्ये कलाकार रेखाताई मंजुळकर, भुवनेश्वरी मंजुळकर, आशाताई भोईर, प्रिया पाटील, गजेंद्र, श्रुती चापळकर, प्रमोद दळवी, भिला हिरे, दत्तात्रेय लोखंडे, कार्तिकी दळवी श्रावणी पाटील, व सागरया कलाकारांनी खूप चांगल्या पद्धतीने भूमिका पार पाडली आहे. माणसाच्या अंगी शिरलेला नादामुळे काय प्रकार कुटुंबात घडतात. हे आपल्याला या एपिसोड मधून पाहायला मिळणार आहे. प्रेक्षकांनी हा एपिसोड आवर्जून पहावा. एपिसोड कसा झाला आहे. याबाबत आपल्या प्रतिक्रिया कॉमेंट बॉक्समध्ये नोंदवून एपिसोडला लाईक करा, सबस्क्राईब करा, असे आव्हान निर्माता रेखाताई मंजुळकर यांनी केले आहे. विशेषता या एपिसोड मध्ये निर्मात्या रेखाताई मंजुळकर यांनी स्वतः डायरेक्शनचे काम हाताळले आहे. आजपर्यंत ५० हून अधिक एपिसोड प्रसारित झाले आहेत. खळबळ वर असणारे प्रेक्षकांचे प्रेम सदैव असेच राहू दे अशी इच्छा देखील मंजुळकर मॅडम यांनी व्यक्त केली आहे.
