( प्रमोद दळवी )
उल्हासनगर दि १७ : रमाकांत चव्हाण रिक्षा चालक-मालक युनियन ने शनिवारी शहाड स्टेशन जवळील गुलशननगर मध्ये नवीन रिक्षा स्टँडचे उद्घाटन केले रमाकांत चव्हाण रिक्षा चालक-मालक युनियनचे अध्यक्ष श्री हरजिंदरसिंह भुल्लर यांच्या हस्ते रिक्षा स्टँडचे उद्घाटन करण्यात आले.
हा नवीन रिक्षा स्टँड महराळ, वरप आणि कांबा परिसरातील प्रवाशांसाठी गुलशन नगरमध्ये कार्यरत राहणार आहे. या उपक्रमामुळे प्रवाशांना अधिक सोयीसुविधा मिळणार असून स्थानिक रिक्षाचालकांनाही नवे कामाचे संधी उपलब्ध होणार आहेत. त्या वेळी हरजिंदरसिंह भुल्लर यांनी रिक्षा चालकाला मार्गदर्शन केले . या उद्घाटन प्रसंगी रिक्शा युनियनचे सर्व पदाधिकारी व रिक्शा चालक मालक उपस्थित होते.
