मुंबई: महाराष्ट्राचे मंत्री आणि भाजप नेते नितेश राणे यांनी गुरुवारी सांगितले की, महाराष्ट्रात “कॉर्पोरेट जिहाद” वाढत आहे आणि कोणत्याही “जिहादी कारवाया” हाणून पाडण्यासाठी हिंदूंना कामावर प्राधान्य देणे ही “काळाची गरज” आहे.नाशिकमधील टाटा कन्सल्टन्सी सर्व्हिसेस (टीसीएस) च्या बीपीओ युनिटमध्ये धर्मांतरण आणि लैंगिक छळाच्या दाव्याच्या संदर्भात त्यांचे हे वक्तव्य आले आहे. या प्रकरणी पोलिसांनी टाटा कन्सल्टन्सी सर्व्हिसेस (TCS) च्या आठ कर्मचाऱ्यांना अटक केली आहे, ज्यात सात पुरुष आणि एक महिला ऑपरेशन मॅनेजर आहे. दुसरी महिला कर्मचारी फरार आहे. राष्ट्रीय महिला आयोगाने बुधवारी सांगितले की त्यांनी लैंगिक छळाच्या कथित घटनांच्या चौकशीसाठी तथ्य शोध समिती स्थापन केली आहे. नाशिक प्रकरणाचा संदर्भ देत, धर्मांतराचे हत्यार म्हणून नोकऱ्यांचा गैरवापर होत असल्याचा आरोप राणे यांनी केला.ते पत्रकारांना म्हणाले, “व्यापारापासून कॉर्पोरेट कार्यालयांपर्यंत प्रत्येक व्यासपीठाचा वापर हिंदूंना विविध प्रकारच्या जिहादद्वारे लक्ष्य करण्यासाठी केला जात असेल, तर कठोर प्रत्युत्तर देण्याची वेळ आली आहे.” त्यांनी पुढे असा दावा केला की अशा घटनांमुळे हिंदू समाजामध्ये त्यांच्या हितसंबंधांचे रक्षण करण्यासाठी केवळ सहकारी हिंदूंसोबत आर्थिक व्यवहार आणि नोकरी करण्याची भावना वाढत आहे. अशा “जिहादी कारवाया” रोखण्यासाठी कंपन्या लवकरच केवळ हिंदूंना कामावर घेण्याचे धोरण स्वीकारू शकतात, असा इशारा मंत्र्यांनी दिला.“आम्ही समाजात फूट पाडू पाहत नाही, तर जमिनीवरच्या अनुभवांवर प्रतिक्रिया देत आहोत. उपजीविकेसाठी दिलेला रोजगार धर्मांतराकडे वळवला जात असेल, तर ‘हिंदू राष्ट्र’ मजबूत करण्यासाठी हिंदू उमेदवारांना प्राधान्य देणे ही काळाची गरज आहे,” राणे पुढे म्हणाले.रोजगाराचा उपजीविकेचे साधन म्हणून न पाहता जिहादसाठी दुरुपयोग होत असेल तर त्याची भूमिका घेण्याची वेळ आली आहे, असे राणे म्हणाले.
