उल्हासनगर दि १७ : उल्हासनगर महानगरपालिका तर्फे प्रभाग क्रमांक ३ मध्ये हिंदुहृदयसम्राट बाळासाहेब ठाकरे आपला दवाखाना सुरू करण्याचा उपक्रम राबवला जात आहे. या योजनेचा उद्देश आर्थिकदृष्ट्या दुर्बल घटकांतील आणि झोपडपट्टीतील नागरिकांसाठी सुलभ व दर्जेदार आरोग्य सेवा उपलब्ध करून देण्यात येणार आहे.
योजनेची वैशिष्ट्ये असे आहे उल्हासनगर महानगरपालिका तर्फे आरोग्य सुविधा केंद्रांचे जाळे उभारण्याचे लक्ष्य आहे. महानगरपालिका यांच्यामार्फत ही योजना राबवली जाते. प्राथमिक आरोग्य सेवा मोफत दिल्या जातात. औषध वितरण, निदान चाचण्या आणि तज्ज्ञ डॉक्टरांचा सल्ला उपलब्ध आहे. उल्हासनगरमधील प्रभाग क्रमांक 3 मधील या दवाखान्याला कल्याण युवासेना लोकसभा सचिव हरजिंदर सिंह भुल्लर यांनी भेट दिली आणि स्थानिक नागरिकांशी चर्चा केली. डॉक्टर आणि वैद्यकीय कर्मचारी नियुक्त करण्याची प्रक्रिया सुरू आहे. आरोग्य सेवा अधिक प्रभावी आणि सुलभ करण्यासाठी नियोजन केले जात आहे.
