उल्हासनगर दि.२३ : उल्हासनगरातील महानगरपालिकेत स्थायी समिती सभागृहात मंगळवारी राज्य निवडणूक आयोगाच्या मार्गदर्शक सूचना व उल्हासनगर महापालिका आयुक्त श्रीमती मनीषा आव्हाळे यांच्या निर्देशानुसार उमेदवारांच्या निवडणूक खर्चाबाबत विविध बाबींचे दर निश्चित करण्याबाबतची बैठक आयोजित करण्यात आली होती.
यावेळी शहरातील विविध राजकीय पक्षांचे प्रतिनिधी उपस्थित होते. मुख्य लेखा अधिकारी श्री किरण भिलारे व मुख्य लेखा परीक्षक श्री अभिजित पिसाळ यांनी सर्व उपस्थितांना मार्गदर्शन करून त्यांच्या शंकांचे निरसन केले.
महानगर पालिका निवडणूक २०२५ च्या अनुषंगाने राज्य निवडणूक आयोगाच्या खर्च विषयक तरतूदींबाबत सर्वांना मार्गदर्शन करण्यात आले. यावेळी मा. जिल्हाधिकारी महोदय यांनी मान्यता दिलेल्या निवडणूक खर्च विषयक बाबींविषयाच्या दरसूची अंतिम करण्यात आली.
