उल्हासनगर दि. ६ ( प्रमोद दळवी ) : पतीची किडनी खराब झाल्याने त्यांना किडनी ट्रान्सफर साठी डोनर मिळून देतो तसेच त्यांचे किडनी प्रत्यारोपणाचे ऑपरेशन करून देतो असे सांगून एका दांपत्याची ३१ लाख ३७ हजार रुपयाची फसवणूक केल्याचा धक्कादायक प्रकार उल्हासनगरातील विठ्ठलवाडी पोलीस ठाण्याच्या हद्दीत घडला असून याप्रकरणी पोलिसांनी एका फॅमिली डॉक्टर सह ७ जणांविरुद्ध फसवणुकीचा गुन्हा दाखल केला आहे.
मिळालेल्या माहितीनुसार उल्हासनगरातील विठ्ठलवाडी पोलीस ठाण्याच्या हद्दीतील चिंचपाडा गाव येथे राहणाऱ्या दिपाली या महिलेच्या पतीची किडनी खराब असल्याने तिने स्वतः पतीला किडनी डोनेट केली होती. पण दुर्दैवाने त्यातील इन्फेक्शन झाले आणि पती पुन्हा मृत्यूची झुंजू देऊ लागला. पतीला दुसरी किडनी बसवण्यात यावी यासाठी तिने त्यांचे फॅमिली डॉक्टर यांच्याशी संपर्क साधून त्यांना सर्व प्रकार सांगितला.
त्या फॅमिली डॉक्टरनी दिपाली व त्यांच्या पतीला किडनी ट्रान्सफर साठी डोनर मिळून देतो तसेच त्यांचे किडनी प्रत्यारोपणाचे ऑपरेशन करून देतो असे सांगून जवळपास सहा जणांची ओळख करून दिली. त्या टोळीने जुलै २०२५ पासून ते ७ मार्च २०२६ दरम्यान दिपाली यांच्याकडून वेळोवेळी ऑनलाइन स्वरूपात ३१ लाख ३७ हजार ८६० रुपये उकळले. लाखो रुपये देऊनही पतीचे ऑपरेशन झाले नाही आणि किडनी डोनर ही मिळाला नाही. आपली फसवणुक झाल्याचे लक्षात येतात दिपाली यांनी विठ्ठलवाडी पोलीस ठाणे गाठून आपल्या फॅमिली डॉक्टर सह ७ जणांविरुद्ध गुन्हा फसवणुकीचा गुन्हा दाखल केला आहे. गुदाखल असलेल्या गुन्हा मधील काही जण कलकत्ता,पश्चिम बंगाल, मुंबईतील आग्री पाडा, भिवंडी या परिसरात राहणारे आहेत. भुवनेश्वर राज्य ओडीसा येथे एका रुग्णालयात देखील याप्रकरणी पैशाचा व्यवहार झाला असल्याचे समोर आले आहे. विठ्ठलवाडी पोलीस ठाण्याचे वरिष्ठ पोलीस निरीक्षक अशोक कोळी यांनी या गुन्ह्याचा तपास सुरू केला असून या घटने प्रकरणी सखोल चौकशी सुरू असल्याचे त्यांनी सांगितले आहे. या घटने प्रकरणामागे मोठा किडनी रॅकेट आहे का? यांनी कोणाची अशा प्रकारे आणखीन फसवणूक केली आहे का याचा सखोल तपास तपास करून दाखल असलेल्या गुन्ह्यातील आरोपींना त्वरित अटक करण्यात यावी अशी मागणी केली जात आहे.
