उल्हासनगर दि.२४ ( प्रमोद दळवी ) : उल्हासनगर महानगरपालिका सार्वत्रिक निवडणूक २०२५ चा कार्यक्रम राज्य निवडणूक आयोगाने घोषित केलेला आहे. त्या अनुषंगाने उल्हासनगरात २३ डिसेंबर २०२५ पासून शहरातील ६ निवडणूक निर्णय अधिकारी कार्यालयात उमेदवारांना नामनिर्देशन पत्रांची विक्री व उमेदवारी अर्ज दाखल करण्याची प्रक्रिया सुरू करण्यात आली आहे.
६ निवडणूक निर्णय अधिकारी कार्यालयातून २३ डिसेंबर व २४ डिसेंबर या दोन दिवसात तब्बल ८८२ उमेदवारांना नामनिर्देशन पत्रांची विक्री करण्यात आली आहे. याशिवाय या दोन दिवसात एकही उमेदवारांनी आपला अर्ज दाखल केला नसल्याची माहिती उल्हासनगर महापालिकेचे सहाय्यक आयुक्त( निवडणूक ) गणेश शिंपी यांनी दिली आहे. नामनिर्देशन पत्र स्वीकारण्याची अंतिम तारीख ३० डिसेंबर २०२५ अशी आहे.
उल्हासनगर शहरातील ६ निवडणूक निर्णय अधिकारी कार्यालय असून २३ डिसेंबर ते २४ डिसेंबर २०२५ रोजी पासून निवडणूक निर्णय अधिकारी क्रमांक १) यामध्ये ११७ नामनिर्देशक पत्रांची विक्री, क्रमांक – २ मध्ये ९५ नामनिर्देशन पत्रांची विक्री, क्रमांक -३ मध्ये १३७ नामनिर्देशन पत्राची विक्री. क्रमांक -४ मध्ये – १२३ नामनिर्देशन पत्राची विक्री, क्रमांक -५ मध्ये १९४ नामनिर्देशक पत्राची विक्री व क्रमांक -६ मध्ये २१६ नामनिर्देशन पत्राची विक्री असे एकूण ६ निवडणूक निर्णय अधिकारी यांच्या कार्यालयातून ८८२ नामनिर्देशक पत्रांची आजपर्यंत विक्री झाली आहे. दोन दिवसात एकही उमेदवाराचा अर्ज दाखल झाला नसून नामनिर्देशन पत्र स्वीकारण्याचा अंतिम दिनांक ३० डिसेंबर २०२५ असा आहे. बहुतेक उमेदवार निवडणूक साठी लागणारे कागदपत्रांची जमवाजवी करण्यात व्यस्त असून २६ डिसेंबर पासून निवडणुकी उमेदवारी अर्ज दाखल करण्याची प्रक्रिया जोरात सुरू होणार असल्याचे बोलले जात आहे.
