अंबरनाथ दि. ७ : अंबरनाथ मधील शिवाजीनगर पूर्वला लोकनगरी परिसरातील चौकाला स्वर्गीय नितीन वारिंगे यांचे नाव देण्यात यावे अशी मागणी अंबरनाथचे मा. नगराध्यक्ष सुनील वामन चौधरी यांनी अंबरनाथ नगरपरिषदचे प्रशासक व मुख्याधिकारी यांच्याकडे निवेदनाद्वारे केली आहे.
एक सामाजिक आणि लोकाभिमुख व्यक्तिमत्व असलेल्या स्वर्गीय नितीन वारिंगे यांचे नाव अंबरनाथ शहरातील शिवाजीनगर पूर्वला लोकनगरी परिसरातील चौकाला “ स्वर्गीय नितीन वारिंगे “ चौक हे नाव देण्यात यावे अशी स्थानिक जनतेची मागणी असल्याचे सुनील चौधरी यांनी अंबरनाथ नगरपरिषदला दिलेल्या निवेदनात नमूद केले आहे.
स्वर्गीय नितीन वारिंगे हे शिवाजीनगर लोकनगरी परिसरातील सुशिक्षित, सक्रिय, सहृदयी आणि समाजहितासाठी कार्य करणारे व्यक्तिमत्व होते. त्यांनी त्यांच्या जीवनकाळात अनेक सामाजिक शैक्षणिक आणि सांस्कृतिक आरोग्य उपक्रमामध्ये सक्रिय सहभाग घेतला होता. त्यांच्या कार्याचा लाभ अनेक नागरिकांना झाला आहे. आणि त्यामुळेच त्यांचे स्मारक म्हणून त्या रस्त्याच्या चौकाला त्यांचे नाव दिल्यास संपूर्ण परिसरात सकारात्मक भावनांचा प्रसार होईल असे निवेदनाद्वारे माजी नगराध्यक्ष सुनील चौधरी यांनी अंबरनाथ नगरपरिषदचे मुख्याधिकारी यांना विनंती केली आहे. आपण त्वरित कार्यवाही करून सदर चौकाला स्वर्गीय नितीन पंढरीनाथ वारिंगे यांचे नाव द्यावे अशी मागणी केली आहे
