अंबरनाथ दि.२७ ( प्रमोद दळवी ) : दुर्मिळ तस्कर सापाची नर मंदीची जोडी अंबरनाथ एमआयडीसी मधील एका कंपनीत लपून बसलेली होती. सर्पमित्र आकाश प्रकाश गोहिल या सापाच्या जोडीला पकडून जंगलात सोडून दिली आहे.
सर्पमित्र आकाश गोहिल यांनी माहिती दिली की बुधवारी सकाळी आठच्या सुमारास अंबरनाथ एमआयडीसी मधील का एका कंपनीत प्लायच्या मागे दोन साप एकत्र बसले असल्याची माहिती त्यांना मिळाली. सर्पमित्र आकाश गोहिल यांनी त्वरित त्या कंपनीत धाव घेऊन प्लायच्या मागे बसलेल्या त्या सापाच्या जोडीला पकडले
दुर्मिळ तस्कर जातीच्या सापाचे ती नर-मांदीची जोडी आहे. प्रथमच एकत्र ती नर-मंदीची जोडी आढळून आली आहे. हा बिन विषारी प्रजातीचा साप असून तो उंदीर व पक्षांची अंडी खात असतो. कदाचित ही जोडी उंदराच्या मागे आली असावी आणि त्या कंपनीत शिरली असावी. या जातीचा साप घरात चोरासारखा लपून येतो म्हणून या सापाला तस्कर साप म्हणून ओळखले जाते. इंग्रजीमध्ये या सापाला माऊंटन ट्रिंकेट साप असे म्हणतात. पकडण्यात आलेल्या सापाच्या जोडीतील नर साप हा पाच फूट लांबीचा आहे. तर मांदी ही चार फूट लांबीची आहे. सापाची ही जोडी कंपनीत लपून बसलेली असल्याने त्यातील कर्मचाऱ्यांमध्ये भीतीचे वातावरण निर्माण झाले होते. पण सर्पमित्र आकाश प्रकाश गोहिल यांनी त्यातील कर्मचाऱ्यांना या सापा बाबत माहिती दिल्यावर सर्वांच्या मनातील भीती दूर झाली. पकडण्यात आलेल्या या सापाच्या जोडीला पाहण्यासाठी नागरिकांची गर्दी जमली होती. या सापाच्या जोडीला आकाश गोहिल यांनी जंगलात सोडले आहे.
